當不少人為了「打卡」到舊式公屋喪影相，又「回味」昔日情懷時，一位中大畢業生卻對自己家住舊式公屋生厭，日前在Facebook專頁「CUHK Secrets」發文，指自己住舊式公屋，父母每月入收入得1.5萬元，覺得自己家庭背景「唔見得人」，更呻從來不願向同學提起自己家人，更說，「如果自己家庭背景好，就唔使收收埋埋啦」，此文一出，引起網民熱議，有網民為他打氣，「無需要自卑，自己努力改善自己生活」、「你無要父母用400萬栽培你都成了大學生，值得欣賞」。但亦有人批評，「你自己收埋關住公屋咩事」。
Facebook專頁「CUHK Secrets」截圖
該名學生於Facebook專頁「CUHK Secrets」發文表示，「成日俾啲fd話我收收埋埋，從來都唔講私人嘢，講真啦，如果我老豆老母有份好嘅職業、住間見得人嘅屋，我又點會收收埋埋喎，就係家庭背景唔好先唔想講，應該係話講唔出口...」。他說，其父親任職司機，而母親任兼職清潔，二人合共每月收入有約1.5萬，而其兄弟姊妹在中學畢業後即投身社會工作，沒有繼續學業，工作多年月入仍未過1.5萬，他的其他親戚也幾乎都是公屋住戶，「月入萬幾蚊」。
發帖大學生大呻，指自己一家人住在位於鴨脷洲的舊式公屋，鄰居大多是「收音機呀伯、低收入新移民、道友、無業遊民」，形容屋企「開放式」，無房無間隔，每晚除了要忍受著父親的「鼻鼾聲」外，還要忍受著鄰居打麻將和小孩子跑跑跳跳的吵鬧聲入睡，而且他所住樓層的走廊經常有異味，「好多積水、尿水」。
圖片來源：網絡
他說，身邊朋友常問他為何從不提私事，他就呻「咁樣既家庭背景」、「好唔見得人」難以啟齒。更說，各位同學下次問他住邊，「我話鴨脷洲，你問係咪海怡半島，我話唔係，你就唔好再追問吧，我想講我自然會講，我唔講你再追問都唔會得到答案，到時大家都尷尬啦！」。
不少網民其後紛紛留言，更指他應該讚自己「唔使父母比400萬都成大學生」、亦有人表示「同學如嫌棄你家庭背景，該人根本不值深交」、「人嘅價值唔在於住咩地方，人格重要過你嘅地址」、亦有網民指他「妄自菲薄」、「你自己嫌棄自己姐」，更有不少網民留言講個人身世，勉勵該名大學生「唔應該覺得失禮」、「有本事自立，奉旨唔駛靠屋企，這不羞恥」。
Facebook專頁「CUHK Secrets」截圖
資料來源：星島日報、Facebook專頁「CUHK Secrets」
好工推介
職場熱話
- 1
- 2
-
十號風球下快餐店成戰場 經理情緒失控 員工連踩11小時近崩潰
TOP 1 -
職場新詞「安靜崩裂」 即使努力工作 內心卻早已疲憊不堪
TOP 2 -
Netflix首用生成式AI製作影集 製作速度快10倍 有效降特效成本
TOP 3 -
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 4 -
銀聯：Z世代收入增加比例最明顯 39％消費者削非必要支出
TOP 5
-
日本興起出租阿嫲 唔只做家務湊細路 仲可以陪談判分手
TOP 6 -
公共圖書館變「扮工」聚腳地？失業港人每日必到＋做3件事
TOP 7 -
87％港畢業生對前景充滿信心 最愛金融及STEM行業 憂AI帶來顛覆
TOP 8 -
KAM爆新仔突問女上司「點解條件咁好都未結婚」 對方一招KO！
TOP 9 -
電話鬧鐘唔識響？係手機Bug作怪！網民總結８大方法自救
TOP 10
