職趣事

最近一位打工仔在社交平台「Threads」分享職場趣事，引發熱烈迴響。他交了一份反覆核對過、100%冇錯的報告畀上司，結果對方睇一眼就退貨：「啲data錯既，check清楚先再拎上嚟啦。」說完又繼續炒股，彷彿遲交報告先係他嘅錯。

樓主無奈之下，走去廁所「玩電話」，冇改任何內容，再遞一次俾上司。意想唔到嘅係，呢次對方語氣突然改變：「一開始咁咪好囉，唔好嘥大家時間～」

帖文一出，勁多網民留言大笑，仲分享相似經理，有人留言話：「記住，10:30前老細炒緊股，唔好交嘢阻佢發達！」又有人指：「我個上司一樣，第一次交咩都唔掂，隔幾個鐘轉下格式再交就得。」

職場生存法則：點樣睇穿老細「眉頭眼額」？

想喺咁樣既環境生存得好，唔單止要識做嘢，仲要學識睇人面色：

1. 觀察時間點： 睇老細每日幾點最忙、最煩躁，避免喺佢睇股或開會前後交功課。
2. 留意肢體語言： 如果佢皺眉、撳電話好快、手指不停點滑熒幕，十居其九係睇緊股票或者情緒緊張，咁就唔好煩佢啦。
3. 試探反應法： 有時你可以先用輕鬆語氣提一句：「我有份嘢想俾你睇下，你依家方便定遲啲好？」留畀佢決定。
4. 建立默契： 長期相處後，你會知道佢鍾意咩時候傾公事，因勢制宜。

記住，職場唔止係鬥實力，仲要鬥觀察力！