職趣事

無事生非？有網民在Facebook專頁「奴工處」發文投訴，稱一名為祖父奔喪的同事復工當日帶上杯奶茶，遭到上司窒「都唔知攞假係咪真」。


Facebook專頁 奴工處截圖

事主稱，最近有位同事的爺爺剛剛去世，「佢返嚟個日食晏買咗杯珍珠奶茶返公司」，結果遭上司挖苦「有心情買珍珠奶茶，都唔知你之前攞假係唔係咪講真話」。事主形容，「係旁邊默默工作嘅我都呆咗」。



Facebook專頁 奴工處截圖

一眾網民都不認同上司講法，指「 呀爺死左=唔可以飲珍珠奶茶，Goodest logic」、「駛唔駛頭帶白花，日日哭喪咁面口返工對住你？」、「呢個上司希望第日佢屋企人死嗰陣，可以做到茶飯不思啦！」。



Facebook專頁 奴工處截圖

面對冷嘲熱諷，更有人還以顔色，稱「我以前媽咪死後我的dept head 話我腳頭唔好，叫我自己辭職。最後被我搞到佢同我一齊辭職，我仲遲佢一日走」。亦有人認為該上司立心不良，以錯誤角度看待事件，以己度人。亦有人指試過因外貌「不像是要去喪禮」而遭到懷疑，反問是否必須要在臉上露出非常哀痛表情才不會被懷疑。亦有人指雖然職場上有分階級，但從人的層面來看都是平等，不應該有如此態度。

資料來源：星島日報、Facebook專頁 奴工處