職趣事

愈來愈人自攜器皿購買外賣，支持環保。但有食肆店員大呻遇過有客人自備的外賣杯仍有咖啡，「擺明係飲完無洗」，遂提議對方改用紙杯或先自行清洗，卻被喝罵「唔識幫佢洗架咩？又話支持環保又唔肯做多幾步」。店員無奈幫客人清洗，但批評「如果係有心環保嘅，就唔該唔好攞個攞個勁X污糟嘅杯買外賣，你食落肚嘅有咩事我哋都要負責」。有網民就認為「同環保無關，同人品有關。」


facebook群組「西客之道 Hispitality Secret」截圖

該名自稱在餐廳工作的網民在facebook群組「西客之道 Hispitality Secret」投稿，指餐廳歡迎顧客自備外賣容器，他認為本身是好事，但偏偏不時遇着一班麻煩環保客。投稿人表示，曾有女食客自攜摺摺杯買凍飲，豈料打開時發現杯內仍有少許咖啡，肯定對方飲完未有清洗，直言「真係X咗聲」。他於是向食客表示摺摺杯未洗，反問能否改用紙杯或先去清洗再回來，但對方發爛，「大大聲地話我哋唔識幫佢洗架咩？又話支持環保又唔肯做多幾步？佢話要影相又投訴咁」。最後為免麻煩，他「唯有好屈就咁幫佢洗埋杯。」

投稿人又分享，曾有食客用食物袋買湯麵，店員考慮到隔熱及盛載困難，於是拒絕，惟對方表示試過用來買米麵，要求店員先試試。結果廚房員工將麵放入袋時，「攞個麵碗𢭃住個袋都係入唔到落去，仲差啲淥親」。店員於是提議走湯或將湯用碗分開盛載，食客卻「勁惡死咁同我哋講點解人哋得我哋唔得之類咁」。

投稿人慨嘆，類似遭遇並非只發生一兩次，稱自己亦支持環保走塑，但實在很多人恃住環保，特別沒有禮貌，勸告「有心嘅客攞個飯壺同乾淨嘅杯嚟買，而唔係聲大大咁老馮要人就晒你，唔順你意就話要投訴放上網，真係令人會憎你哋」。


網民留言截圖

帖文掀起熱議。不少支持環保的網民亦批評「認衰晒」，「我會自備食物盒去買嘢嘅，自己食自己洗係自己嘅責任；亦有用食物袋的網民表示，「一定問清楚餐廳用唔用得，唔得就用返外賣碗」、「環保係由自己做起唔係要其他人去遷就你」、「 呢個係客人質素問題.....只不過兩單事件剛好與環保走塑有關....實屬不幸」。另有網民認為「其實講環保就少啲外食啦」，又指投稿人不應屈服幫客人清洗，「自備杯唔洗就唔應該要人裝落去，肚痛又賴人」。




網民留言截圖

資料來源：星島日報、facebook群組「西客之道 Hispitality Secret」