職趣事

 

 

後生仔女無機心，吹水最自在

 

唔知大家有冇同感，返工同同事吹水，最舒服都係同啲啱啱畢業嘅Fresh Grad（FG）傾計。佢哋初出茅廬，脾氣好又冇咩機心，同佢哋吹水唔使諗太多，夠輕鬆。

 

反而年紀大啲嘅同事，有時真係難捉摸。唔係話全部人都係咁，但確實有啲人脾氣越嚟越古怪，同佢哋講兩句都驚隨時得罪人。有網民分享自己：試過幾乎成年冇同一個同事點傾過計，講嘢都係「哦」、「嗯」、「好呀」咁，點知同事竟然轉頭同人話自己bully佢！網民苦訴冤枉到極點。

 

 

邊類同事最難搞掂？

 

中年單身女同事／上司

唔少捱咗好多年嘅前輩，幾乎都好敏感。可能俾人「搓圓㩒扁」得耐，自卑心重，成日覺得人哋唔尊重佢。尤其同grade之間特別多是非，譬如已婚定未婚、派唔派利是，連人哋仔女讀緊咩學校都會八卦。

 

高層老江湖

講到升上經理級呢個位，好多時唔多唔少都要過五關斬六將。上得高位，過程中嘅取捨同掙扎，可能真係只有當事人先最明白。

 

png1

 

 

職場傾計睇時機，職級相近最啱Key

 

其實吹水都係睇緣分同 timing。好多時同職級、同期入職嘅同事最啱傾，大家經歷相似，傾起上嚟自然有共鳴。反而級數差太遠，講句嘢都要諗過度過，驚人覺得你唔識做、唔識睇眉頭眼額。

 

 

點樣喺職場傾計唔中伏？

 

- 後生仔女：可以放鬆啲吹，但都要留意分寸 

- 中年同事：避免觸及私人話題，少講是非為妙 

- 高層老細：保持尊重，閒聊幾句就好，切忌交淺言深 

 

總而言之，職場吹水都係一門學問。唔係話邊個年紀一定好傾，但經驗話我哋知：同啲冇咁多計算、冇咁多包袱嘅人吹水，真係舒服自在好多。大家又有冇同感？