職趣事

近日，一名網民在Dcard發文分享自己無辜被同事「撳住OT」的經歷，引發網民熱烈討論。不少打工仔紛紛表示有共鳴，到底點樣先可以禮貌咁拒絕同事要求，守住自己嘅私人時間？

 

工作完成度靠團隊 卻變成個人犧牲？

事主表示，當日有一份文件需要整合多位同事嘅工作內容後再交出，但其中一位「唔係上司」的同事到放工都未完成自己負責的部分。儘管事主已經有禮貌催促，但對方依然拖延。

 

最後連事主上司都睇唔過眼，決定先送出現有部分內容，事後再補交。當事主本應可以準時收工時，該位同事竟然反過來要求「佢等一陣，加班等佢完成。」令事主相當不滿：「我老細講完收工就收工，憑咩要等你？」

 

 

「OT唔係義務！」事主怒轟不合理要求

事主強調，自己當日工作已完成，亦非該位同事的下屬，質疑為何要因對方進度慢而被迫留下加班。而且公司並無OT補水或補假，對方人工更高，自己卻要無償付出時間，直言難以接受：「我唔係你下屬，唔係你老豆，憑咩要OT幫你？」

 

三招拒絕同事OT要求

禮貌但堅定地表達立場：「唔好意思，我今晚有安排，呢份嘢我會先交咗，如果你完成咗可以直接send俾上司。」

推回責任比上司：強調已經按照上司指示完成工作，剩下部分由上司決定處理方式。

建立邊界意識：適當表明自己非對方下屬，冇義務無償協助，尤其當公司無加班補償制度。

 

職場合作固然重要，但尊重彼此的時間與工作範圍更係基本。唔係上司都夠膽指揮人OT，難怪打工仔忍唔住道氣！