職趣事

喺香港打工，有時唔止要識做嘢，仲要識做人。唔少打工仔明明話「無問題」、「明白晒」，點知轉個頭就辭職，搞到上司摸不著頭腦。最近日興趣呢種現象，其實唔止喺日本，香港職場都一樣。

日本有接近一半嘅年輕打工仔都有「好孩子症候群」——對住上司永遠講安全答案，好似咩都冇問題，工作做得啱啱好，但從來唔講真心話。尤其喺一對一會議入面，佢哋會講「冇問題」、「我會搞掂」，令上司覺得佢哋無需額外關注，實際上，佢哋可能早就諗住辭職。

呢種員工好識睇風頭，知道幾時講咩會最安全。佢哋唔係唔努力，只係缺乏自信+怕講錯嘢+怕被人注意+怕失敗，所以選擇做個「看起身乖乖哋」嘅員工，令自己唔太突出。

最矛盾嘅係，雖然佢哋怕挑戰，但又非常重視成長同學習。PERSOL公司2022年調查顯示，覺得「工作要能學到嘢」嘅年輕人，由2019年的15%升至22%。但佢哋追求進步嘅動力，並非事業心，而係唔想輸畀其他人。

所以，如果公司冇清晰嘅培訓機會、冇工作意義，佢哋好快就會失去興趣，選擇離開。即使口講「了解」，內心已經有其他打算。

呢班新世代員工，表面溫馴，實際內心掙扎：想成長但唔敢冒險、怕輸但又唔敢爭取。而家職場講求雙向溝通，上司如果只睇表面，就好容易錯過員工真實想法。