職趣事

近年職場壓力大增，不少人開始考慮轉行減壓，但薪金下降係唔係值得？最近，有網民喺連登討論區分享自己嘅煩惱——喺高壓行業打滾5、6年，月薪約50K，但每日返工都充滿壓力，經常要面對上司同客戶嘅責罵，甚至假期都唔能夠好好休息，令佢決定轉行搵一份輕鬆啲嘅工。

樓主表示，自己已經考慮進修轉行，但要重新學習新技能，需要時間同成本。而另一個選擇就係考入政府，但起薪點會比依家少一半。如果唔轉行而改做一般文職或者兼職，收入可能只得20K左右。佢擔心到時面試會被HR質疑，亦擔憂親友對自己人工下跌會有意見。

網民反應兩極 減薪係犧牲定解脫？

有網民認為，高薪工作本身就伴隨壓力，50K人工自然要承受被責罵的代價，若跌至40K尚可接受，但再低就難以適應。亦有人強調，最重要是自己覺得值得，人生由自己決定，無需過於在意親友的看法。然而，也有意見從現實角度分析，認為50K降至25K或許能接受，但若再跌至13K，心理落差將會很大，影響生活質素。

選擇權在自己手上

無論減薪轉行係犧牲定解脫，都冇標準答案。職場壓力大，點樣平衡收入同精神健康，最終都係取決於個人選擇。有網民總結：「要安慰自己，就話自己係選擇退下，而唔係冇能力。」