職趣事

喺Threads有網民分享，喺壽司店「爭鮮」目擊一位媽媽拖住個仔去問店員有冇暑期工。估計個仔啱啱考完DSE，媽媽就諗住趁放暑假幫佢搵份工。不過個仔明顯冇咩興趣，一臉唔想返工嘅樣。

媽媽積極游說：「佢做咩都得㗎。」不過店員一句就打咗個大釘：「我哋唔請暑期工架。」媽媽再試探：「咁part time得唔得？佢都返到喎。」店員再拒：「我哋part time都要長期返，開學你個仔唔會返得啦。」

個post一出即引起大量網民共鳴，有人留言：「見到阿媽喺場，老實講都唔會請，經驗話俾我聽會好煩。」
又有人分享以前喺快餐店做時試過：「打電話畀個仔唔聽，佢屋企人會打返嚟幫佢請假，甚至打嚟問佢放工未。」
亦有人話：「啲人一開口就『喂』，電話接聽都要教幾次，做嘢冇心，教極都唔識。」

亦有實在啲嘅講法：「其實真係想賺錢，有物慾，自然會自己搵工。剛畢業冇錢嗰陣最想搵錢，唔使父母推。」

呢單小事反映咗唔少打工文化問題，特別係直升機家長插手過多，反而影響仔女獨立。