職趣事

出到嚟社會做事，少不免要噓寒問暖，習慣成自然，面對朋友都可能會咁做。有啲好耐冇見嘅朋友，出到嚟當然要問下近況，如果遇到有啲朋友「休息緊」或者說「失業」時，好多時都未必能夠即時俾feedback。

 

這時，身邊的朋友以及自己，都想盡快回應，那怕只是得一秒「dead air」。究竟這個時候如何處理？大家一定要關心，有外國網站就列出以下八大回應，係地雷！千萬唔好踏進去，寧願繼續dead air：

 

資料圖片

 

1. 「嚟緊有無interview？」

 

呢個好可能閒閒地一日俾人問幾次，答案可能倒轉讀返出嚟。

 

2.「見工有回音未？」

 

其實絕大部分待業朋友，一旦有好消息都會「自爆」，所以呢個問題係廢問，答完又再dead air。

 

3. 「點解唔去邊度邊度做住先？」

 

即使對方有經濟困難，佢心中都有算盤，佢要諗老早諗咗，問完呢個問題後又要解釋。

 

4. 「點解你咁耐都未搵到工？」

 

呢句說話hurt到爆，其實呢個問題嘅答案，最想知道嘅係佢自己，問題擺明挑釁。

 

5. 「不如試吓apply乜乜工啦﹗」

 

唔清楚對方專業或想做邊類工，就唔好胡亂推薦，到時有閃失時，你就最慘。

 

資料圖片

 

6. 「聽聞呢行好搶手喎⋯」

 

搶手唔代表朋友啱做...

 

7. 「不如你認真咁坐定定搵工！」

 

其實搵工唔同返工，有時好需要一擊即中。反而建議對方多去social，減吓壓又可拓搌人脈仲實際。

 

8. 「至少你宜家好得閒。」

 

講呢句話嘅應該唔係朋友，有邊個人想要「失業的自由」？你喜歡嗎？

 

 

 

遇到朋友失業，不妨俾空間朋友，寧願dead 一dead air，有時沉默先係最大支持。