職趣事

餐飲業出名惡做，流失率高。近年有餐廳引入機械人捧餐，貪佢「捱得」又可以做足全日唔洗抖。但近日似乎連機械人都要畀老闆「炒魷」，有網民在fb群組「我個世界無垃圾(報料熱線)」發帖，表示發現旺角一個垃圾收集站內發現一款捧餐機械人，與砵蘭街某茶餐廳同款，笑稱「近年尾生意差的公司開始裁員」。



其他網民留言解畫，表示該餐廳用過幾次就將機械人閒置；「由頭至尾就係個腦細自己自high」；「餐廳又唔係大，自己二步就行到去，個機械人龜速」。另有網民「起底」，重溫2016年《機械人茶記》的專訪，當時老闆表示：「一個普通侍應人工每月萬二至萬四蚊左右，如果一個機械人可以做到侍應功能，幾個月就回到本。」睇嚟依家賠了夫人又折兵，畀完10萬蚊投閒置散，依家仲要棄於垃圾站不顧。

資料來源：星島日報